Gobierno Vasco

BERRIAK

Haur masajea


Otsailaren 4an, 6an, 11n eta 13an, 17:30ean, Haur Hezkuntzako eraikuntzan zuen txikiarekin batera hazkunde goxoa bideratzen duen esperientzia bizitzeko aukera izango duzue.

Izena emateko, 943714938 telefonora deitu.

Informazio gehiago, hemen.

 


Danborrada

 

Urtero bezala, hilaren 18an, ostiralean, San Sebastian eguna ospatzeko eskolako danborrada antolatuko dugu.

Eguraldiak laguntzen badu, ekitaldia Haur Hezkuntzako patioan izango da, bestela, frontoian izan beharko du. 15:40an ikasleak danborrak jotzen hasiko dira: San Sebastian martxa, Diana eta Iriyarena.

Bukatzeko, indarrak berritzeko eraikuntza nagusiko aterpean txokolatea hartuko dute.

 


URTE BERRI ON

3.mailako Giuseppe Santiago Toscanok egindako neguko postala urte berria zoriontzeko aukeratua izan da.               

                   
 
         
     
 
 

Badatoz Olentzero eta Mari Domingi

 

 

 

Gabonak hurbiltzen ari dira eta datorren ostiralean, abenduaren 21ean, goizean, Olentzero eta Mari Domingi eskolara etorriko dira.

Haur Hezkuntzako, tximeleta gelako eta Lehen Hezkuntzako 1.zikloko ikasleekin egongo dira. Eskutitzak jaso eta beraiekin solasalditxoa egingo dute.

 


Baikarako tailerrak

 

Lehen Hezkuntzako 2.mailako ikasleek Baikarak (Gipuzkoako Ikasleen Gurasoen Federazioa) antolatzen dituen tailerretan parte hartuko dute. Abenduaren 17tik 19ra ordubeteko hiru saio izango dituzte.

"Jolasean taldea dinamizatzen dugu" izeneko tailerraren helburuak, besteren artean, taldearen kohesiorako lankidetza sustatzea eta gatazkak banaka zein taldeka ebaztea dira.

 

 

© Luis Ezeiza HLHI
Telefonoa: 943714938 | Fax: 943714938 | eskola@luisezeiza.eus